પ્રવૃત્તિ

 

સમગ્ર ત્રણ વર્ષમાં…

આ ઉદ્દેશને ધ્યાનમાં રાખી, ગ્રામ્ય વિસ્તારમાં, પછાત એરિયામાં, ગરીબ વિસ્તારમાં કામ કરતા ઢેઢુકી જેવા તદ્દન નાના ગામમાં કાર્ય કરતા, સેવા આપતા કાર્યકરો પાસેથી નામ મેળવ્યા. પ્રથમ વર્ષે જરૂરિયાતમંદ ૩૨ વિદ્યાર્થીઓને સહાય આપી તેમાં એક વિદ્યાર્થિની કુ. સરિતાના પિતા ઢેઢુકી ગામમાં ખેત મજુરી કરે છે તે ગામમાં ચૈતન્યભાઇ — સોનલબેન સેવા આપે છે તેમણે આ બાળકીમાં શકિત જોઇ તેને સણોસરા લોકભારતી માં દાખલ કરી ફીની પણ વ્યવસથા કરી હતી. ધો. ૧૦ માં સારુ પરિણામ આવતાં તેને વિજ્ઞાન પ્રવાહમાં દાખલ કરવાની વિદ્યોદય ફાઉન્ડેશન પાસે માંગણી આવી. તેમની આર્થિક પરિસ્થિતિ નબળી હોવાને કારણે તેનો અભ્યાસ અટકે તેમ હતું. તેમના ઘરે તો રોટલા સાથે શાકની પણ વ્યવસ્થા નહોતી. પરંતુ સરિતા ભણીને આગળ આવવા માટે કટિબધ્ધ હતી. તેથી વિદ્યોદય ફાઉન્ડેશને તેને મદદ કરવાનું નક્કી કર્યું. તેના ફોર્મનાં અભ્યાસ સાથે તેવાજ બીજા ૩૨ ફોર્મનો અભ્યાસ કરી સહુને ફીમાં રાહત આપવામાં આવી. વળી વિદ્યોદય ફાઉન્ડેશને નાના ગ્રામની પ્રાથમિક શાળાઓમાંથી ધો. ૧૦ પાસ વિદ્યાર્થીઓ અંગે તપાસ કરી, આગળ ભણી શકે તેવા વિદ્યાર્થીઓને શિક્ષકો દ્બારા ભાળ મેળવી તેવા વિદ્યાર્થીઓને સ્કોલરશીપ, આર્થિક સહાય તથા છાત્રવાસ માટે મદદ કરી. ગરીબ બાળકો માટેની બે પ્રાથમિક શાળાઓને આ ફાઉન્ડેશન તરફથી બે વિજ્ઞાનકીટ પણ ભેટ આપવામાં આવી. આ ઉંપરાંત વિદ્યોદય ફાઉન્ડેશ દ્બારા શહેરની ઉચ્ચ માધ્યમિક શાળાઓની આર્થિક રીતે પછાત તથા જરૂરિયાતમંદ વિદ્યાર્થીઓને સહાય આપવામાં આવેલ છે [:]